❶ Bahami Aaitemad ki fiza qayem ki jaye, Shak o Shubhat aur Galat fehmi o Badgumani se mukammal bacha jaye.
❷ Miya Biwi aik dusre ki galatiyon par fouran Mu’akhizah na karen balke tanhayi mein aik dusre ko samjhayen.
❸ Miya Biwi har mua’mle mein apne aap ko Aik dusre se behtar tasawwur na karen.
❹ Shohar baccho ke samne biwi ko na dante isi tarah Biwi bhi baccho ke samne apne khawind ki burayi na kare.
❺ Miya Biwi aik dusre ke Rishtedaron ka tahe dil se Ehteram karen.
❻ Shohar biwi ke huqooq ke sath sath apne Rishtedaron ke huqooq bhi acchi tarah ada kare.
❼ Shohar ki maali haisiyat ko Madde nazar rakh kar biwi gharelu Akhrajat kare aur shohar bhi kharch karne mein Bokhl se kaam na le.
❽ Shohar apni biwi ko nokrani aur mulazima Tasawwur na kare, Ghar ke chote mote kaam khud bhi Nimtane ki Aadat dale
❾ Biwi ki Khidmat ko sarahen aur us ke kamon ki Tareef kare, har Cheez mein Aib na nikale.
➓ Bawaqte zarurat shohar biwi se mashwerah bhi kare, lekin Faisla karne ka Ekhtiyar shohar aapne paas hi rakhe.
