SHOHAR KA HUQOOQ BIWI PER

Assalamu Alaikum Wa Rahmatullahi Wa Barkatuhu

Pyare Islami Bhaiyo,

ALLAH TA'ALA Ne Jis Tarah Aurato Par Shohar Ke Huqooq Farz Kiye Hai Usi Tarah Shohar Par Bhi Aurato Ke Huqooq Farz Hai.
In Huqooq Ko Ada Na Karnewala Sakht Gunaahgar Hai

ALLAH TA'ALA irshad Farmata Hai
"Aur Unse (Aurato Se) Acha Bartaw Karo".
(Tarzuma: Kanzul Imaan Para 4, Sure Nisa, Aayat 19)

Sarkaar-E-Madina Sallallaho Alaihi Wasallam Ne Irshad Farmaya
"Tum Me Ache Log Wah Hai
Jo Aurato Ke Sath Achi Tarah Pesh Aaye".
(Mishkat Sharif Part 2, Safa 282)

Sarkar-E-Madina Sallallaho Alaihi Wasallam Ne Irsad Farmaya
"Aurat Ko Kisi Bade Kasoor Ke Kabhi Hargiz Hargiz Na Mare
Jis Tarah Apne Gulaam Ko Mara Karta Hai
Fir Dusre Waqt Usse Sohbat Bhi Kare".
(Mishkat Sharif Jild 2, Safa 280)

Afsos! Aaj Ke Kuch Jahil Naujawan Apni Biwi Ko Marte Hai.
Ya ALLAH Hum Subko Apni Biwi Ki Izzat Karne Ki Taufiq Ata Farma
Aameen
Awwal Aakhir Durood

Habib-E-Khuda Sallallaho Alaihi Wasallam Ne Irshad Farmaya
"Koi Momin Mard Kisi Momin Aurat Se Bugz Wa Nafrat Na Rakhe
Kyunki Agar Aurat Ki Koi Aadat Buri Malum Hoti To Uski Koi Dusri Aadat Pasandida Bhi Hogi".
(Mishkat Sharif Jild 2, Safa 280)

Mehboob-E-Khuda Khatmunn Nabiyyin Sallallaho Alaihi Wasallam Ne Irshad Farmaya
"Tum Me Woh Behtar Hai
Jo Apni Biwi Ke Sath Behtar Hai
Aur Me Apni Biwiyo Ke Sath Tum Subse Jyada Behtar Hu".
(Ibne Maja Jild 1, Safa 551, Hadees No 2047, Tirmizi Sharif Jild 1, Safa 595)

Apni Biwi Ke Sath Acha Sulooq Karo.
Uske Sath Muhabbat Se Pesh Aao.
Biwi Ke Sath Narmi Aur Khushmijaji Se Bartaw Karo.
Apne Biwi Se Ladai Jhagda Na Karo
Pyare Aaqa Alahissalam Ki Sunnato Par Amal Karo

Madani Aaqa Sallallaho Alaihi Wasallam Ka Farmane Aalishan Hai Ki
"Sabse Bura Aadmi Wah Hai
Jo Apni Biwi Ko Sataye".
(Tabrani Sharif)

Pyare Islami Bahiyo Apni Biwi Par Julm Karna, Use Satana, Gaali Galoch Karna Bad Tarin Gunah Hai

Hazrat Abu Huraira Radiallaho Ta'ala Anhu Se Riwayat Hai Ki
Rasool-E-Akram Sallallaho Alaihi Wasallam Ne Irshad Farmaya
"Jab Kisi Ke Nikah Me Do Biwiya Ho
Aur Wo Ek Hi Ki Taraf Mayel Ho
To Woh Qayamat Ke Din Jab Aayega
To Uska Aadha Dhad Gira Hua Hoga".
(Tirmizi Sharif Jild 1, Safa 584, Hadees No 1137, Ibne Maaja Jild 1, Safa 549)

Habib-E-Khuda Sallallaho Alaihi Wasallam Ne Irshad Farmaya

"Aurato Ke Sath Neki Ka Bartaw Karo

Ki Unki Paidaish Tedhi Pasli Se Hui Hai

Wah Tere Liye Kabhi Sidhi Nahi Ho Sakti

Agar Tu Use Baratna Chahe To Har Haalat Me Barat Sakta Hai

Aur Sidha Karna Chahega To Tod Dega

Aur Todna Talaaq Dena Hai

(Muslim Sharif)

Hajjatul Wida Ke Mash'hur Khutbe Me Huzoor-E-Akram Sallallaho Alaihi Wasallam Ka Irshade Girami Hai Ki

Aye Logo!

"Aurato Ke Baare Me Neki Aur Bhalaai Karne Ki Wasiat Farmata Hu

Tum Meri Wasiat Qubool Karo

Beshaq Aurato Ka Tumhare Upar Haq Hai

Tum Unke Pehnaane Aur Khilaane Me Neki Ikhtiyar Karo

(Ibne Maja)

Madani Aaqa Sallallaho Alaihi Wasallam Ne Irshad Farmaya
"Nikah Ki Shart Yani Mehar Ada Karne Ka Sabse Jyada Khayal Rakho".
(Bukhari Sharif Jild 3, Safa 80)

Haq Mahar Ada Karna Shohar Par Wazib Hai Aur Ise Ada Karne Me Kotahi Karnewala Sakht Gunahgar Hai
Ya ALLAH Hum Subko Apne Biwi Ka Haq Ada Karne Ki Taufiq Ata Farma
Aur Biwi Ke Sath Muhabbat Se Zindagi Basar Karne Ki Taufiq Ata Farma
Aameen
Awwal Aakhir Durood

Aapki Dua Me Is Nachiz Ko Bhi Yaad Rakhe Aur Ye Post Khub Share KARE

....................................Janaze Ki Aawaz Siwa Insano Ke Sab Sunte Hai ..............................................

Hadees:
Hazrat Abu Saeed Khudri Radhi Allahu Ta’ala Anhu Se Marvi Hai Ki,
Rasool’Allah Sallallaho Alaihi Wasallam Ne Irshad Farmaya Ke,

“Jab Janaza Tayyar Ho Jaata Hai
Aur Log Usey Kandhe Par Uthate Hai
Agar Wah Accha Hai Toh Kehta Hai Mujhe Jald Le Chalo
Agar Bura Hai Toh
Kehta Hai Mujhko Tum Kaha Liye Ja Rahe Ho. Iski Aawaz Ko Siwa Insano Ke Sab Sunte Hai
Agar Insan Sun Le Toh Behosh Ho Jaaye”.
(Sahi Bukhari Jild 01, Safaah 537, Kitaab-ul-Janayez Hadees 1231)

Read more: http://www.hamarenabi.in/2014/04/janaze-ki-aawaz-siwa-insano-ke-sab.html#ixzz341s7ubg8

Maa Ka Martaba Aur Maa Ki Be-Karaari

Maa Ki Be-Karaari

» Hiqayat :
Ek Gulam-Sipahi Tha Fauj Ka Jiska
Naam Abu Mansur-Subkatgin Tha!
Ghar Me Bahoat Tangi Thi,
Uske Paas Ek Ghoda Tha Jisper Sawaar Hokar Yeh Kabhi-Kabhi Shikaar Khelne Chala Jata!
Shikaar Mil jata Toh Ghar Me Kuch Khana-Pina Ho jata Tha!
Na Milata Toh Ghar Me Faaka Hota!

Ek Baar Yeh Shikaar Ki Niyat Se Ja Raha Tha
Ki Isne Ek Heerni Ko Dekha
Jiske Sath Chotasa Baccha Tha!
Usne Apna Ghoda Jo Uske Piche Daudaya
To Heerni To Bhaag Gayi Magar Chhota Baccha Na Bhaag Saka
To Isne Uss Bacche Ko Pakad Liya!
Jab Maa Ne Dekha Ki Mere Bacche Ko Iss
Aadmi Ne Pakad Liya, To Bhaagti Hui Heerni Fir Wapas Aagayi
Aur Usne Iske Karib Aaker Apni Iss Be-Karaari Ka Izhaar Karna Shuru Kar diya!
Aasmaan Ki Taraf Mooh Uthati Thi Aur
Dard Bhari Awaaz Nikaalti Thi!
Yeh Rahem Dil Insan Tha Samajh Gaya Ki
Yeh Maa Be-Karaar Hai,
Ki Mera Beta Iss Shikaari Ke Hath Me Chala Gaya!
Lihaza Isney Uske Be-Karaari Ko Dekhte Hue Uske Bacche Ko Chhod Diya!
Wo Maa Apne Bacche Ko Lekar Chali Gayi!

Yeh Wapas Aaya,
Raat Ko Soya Toh Khwab Me Usko Nabi-E-Kareem Sallallahu Alaihai Wasallam Ka Dedaar Nasib Hua!
Huzoor Sallallahu Alaihai Wasallam Ne Irshad Farmaya Ki,

“Tune Ek Maa Ki Be-Karaari Ko Dekhker Usper Reham Khaya!
Yeh Tera Amal Allah Ko Itna Pasand Aaya
Ki Allah Ta’ala Tujhe Duniya Ka Taaj Ata Farmayega
Aur Tune Uska Beta
Wapas Kiya Uske Badle Allah Ta’aala Tujhe Beta Ata Farmayega”,
Lihaza Uske Yahan Beta Hua
(Baroz-Jumerat, 10 vi Muharram, 361-Hijri/
November 2, 971 AD) Jiska Naam
*Sultan Mehmood Gaznawi*
Rakha Gaya Jo Pure Hindustan Ka
Faateh Bana Aur Allah Rabbul Izzat Ne
Iss Garib (Abu Mansur Sabuktigin-
Turkey- Ek Gulam Sipahi) Ko Ek
Baadshah Ka Baap Ban’ne Ki Taufiq Ata Farmayi!
- (Sukoon-E-Khana, Page-220)

» Sabak:
Agar Jaanwar Jaisi Maa Ki Be-Karaari Ka Khayaal Rakha Jaye
Toh Insan Ko Duniya Ki Shahi Milti Hain!
Yeh Naujawaan Bacche Aur
Bacchiyan Yeh Baat Samazle Ki Agar
Apni Maa Ki Be-Karaari Ke Dauraan Uske Sath Mohabbat Ka Muamla
Karoge
Toh Allah Ta’aala Unhe Duniya Aur Deen Ki Baadshahi Ataa Farmayega!

Allah Ta’ala Hamari Kotahiyon ko
Darguzar Farmaye Aur Hume Nekon-
Kaari Aur Parhezgari Ki Zindagi Ata
Farmayen!
“Aameen Ya Rabbul Aalameen”
Awwal Aakhir Durood

   MAA. MAA. MAA
      *Ek Aisi Hasti Hai*

    *SAMANDAR NE KAHA*

              MAA
        Ek Aisi Hasti Hain
Jo Aulad Ke Lakho Raaz.   
       Apne Seene Mein.          
      Chhupa Leti Hain.

        *Dua NE KAHAN*

                MAA
      Wo Shaksiyat Hain
            Jo Har Waqt
       Aulad Ke Liye Dua
       Mangti Rehti Hain

   *JANNAT NE KAHAN*

              MAA
          Wo Hasti Hain
        Jo Main Bhi Uske
      Qadmon Tale Hoon

       *GHAR NE KAHAN*

                 MAA
            Wo Hasti Hain
        Jiske Bagair Main.   
         Kabristaan Hoon

   *KHUSHBU NE KAHAN*

            MAA
        Wo Hasti Hain
       Jiske Khushbu
         Se Sara Jahan
      Mahek Uthta Hain

   *ALLAH Tala Ne Farmaya*

            MAA
    Wo Shaksiyat Hain
      Jo Meri Taraf Se
    Nayab Tohfa Hain                                          

    VALUE & RESPECT UR
       M O T H E R
      A.   L.   W.   A.   Y.   S.

Shab-E-Meraj Ke Safar Ki Manzile

Baitul mukaddas se Maqam-E-Kab Kausen tak pohochne me aapne 10 manzil par qiyam farmaya.
Aur har manzil par kuch guftgu hui aur bohotsi khudawandi nishaniyo ko mulahza farmaya
1. Awwal Aasman
2. Dusra Aasman
3. Tisra Aasman
4. Chautha Aasman
5. Panchva Aasman
6. Chata Aasman
7. Satva Aasman
8. Sidratul Muntaha
9. Maqaam-E-Mustawa Jaha Aapne Kalme Kudrat ke chalne ki aawaz suni.
10. Arsh-E-Aazam

(Tafsir Ruhool Ma'aani Jild 15, Safa 10, Sirat-E-Mustafa

Tarawi Me Pura QURAN- E-PAAK Padhna Sunnat ……..

•» Tarawi Me Pura QURAN-E-PAAK Padhna Aur Sun’na Sunnat-E-Muakeda Hai.
-(Fatawa-E-Razviya Jild:7 Safa:458)
•» Mariz Ko maraz badh jaane ka gumane galib ho to ijazat he ki us din Roza na rakhe.–(Durre Mukhtar)
•» Jis shakhs ka inteqal hojaye aur ispar Roze baaqi hon to uski taraf say uska wali Roze rakhe.
-(Abu dawood)

Ummat Tamanna Karti Ke Pure Saal Ramzaan Ho …

Abu Masood Ghaffari (Radiyallahu Anhu) Se Ek Taweel Hadees Riwayat Ki, Us Main Ye BhiHai Ki, Huzoor (Sallallahu Alaihi Wa Sallam) Ne Farmaya, “Agar Bandon Ko Ma’aloom Hota Ki Ramzaan Kya Cheez Hai, Toh Meri Ummat Tamanna Karti Ke Pure Saal Ramzaan Ho”.
-(Ibne Khazina)

ZAROORI PAIGHAM FACEBOOK USERS KE LIYE

✦..............:o Islahi Paigham Tawajjoh Farmayen :o..............✦

●◗► Aap ka Password aap ke Alawah kisi ko Maloom nahi hai, Lehaza Apna Facebook Profile Deeni baton se pakizah aur saaf sutrah Rakhen, Behaya aur Gandi photos aur Post delete karden Kyun ke Mout kisi bhi waqt Aasakti hai aur Aap ke marne ke baad koi ise saaf nahi kar sakega.

✦ "Yad Rakhiye! Jab bhi koi Aap ka Account visit karega Aap ka Gunah Account badhta jayega, Qayamat ke din Aap ka Facebook Account Aap ke khilaf gawahi Ban jayega."

◈ :( "Gunah ko pehlane ka zariya bhi mat bano, kyun ke ho sakta hai ke Aap to Toba karlo Par jis ko Aap ne Gunah par Lagaya hai wo aap ki Aakhirat ki tabahi ka zariya ban jaye."

✦..................♥ Baraane Rehmat ke Asbab ♥..................✦

❶ Kasrat se Toba o Astaghfar karna.
❷ Gunahon se parheiz aur taqwa ekhtiyar karna.
❸ Fahashi, Iryani aur Zina se door rehna.
❹ Naap tol mein kami na karna.
❺ Haram na khana.
❻ Sirate Mustaqeem par isteqamat ekhtiyar karna.
❼ Zakat, Sadqaate Wajibaat aur dikgar mali huqooq ada karna.
❽ Makhlooq ke sath Husn e Sulook karna.
❾ Nafli sadqah o khairaat dena.
➓ Namaze Istisqa padhna aur Barish ke liye Musalsal Duayen Mangna. (Ma'khuzaz: Quran o Hadees)

●◗► Ya Arhamar Raahimeen! Khushk Sali aur sakht tareen garmi ka khatima Farma kar ham Gunah garon par Rehmat aur Aafiyat ki Barish barsa. Aameen 

●═══════════════════◄►══════════════════●

Narrated Jabir ibn Abdullah RadiyAllahu Anhu: The people came to the Prophet (Sallallahu Alaihi Wasallam) weeping (due to drought). He said (making supplication): 

 " اللَّهُمَّ اسْقِنَا غَيْثًا مُغِيثًا مَرِيئًا نَافِعًا غَيْرَ ضَارٍّ عَاجِلاً غَيْرَ آجِلٍ" 

O Allah! give us rain which will replenish us, abundant, fertilising and profitable, not injurious, granting it now without delay. He (the narrator) said: Thereupon the sky became overcast.

[Sunan Abu Dawood :: Book 3 :: Hadith 1165] 

Urdu Translation: Hazrat Jabir bin Abdullah RadiyAllahu Anhu se Riwayat hai ke (barish na hone ke sabab) log rote peet te RasoolAllah Sallallahu Alaihi Wasallam ke paas Aaye Aap Sallallahu Alaihi Wasallam ne Farmaya:

 " اللَّهُمَّ اسْقِنَا غَيْثًا مُغِيثًا مَرِيئًا نَافِعًا غَيْرَ ضَارٍّ عَاجِلاً غَيْرَ آجِلٍ" 

Hazrat Jabir RadiyAllahu Anhu Farmate hain ke ye kehte hi un par Badal cha gaya. 

[Urdu Ref :: Sunan Abu Dawood :: Vol.1 :: Hadith 1157]

HADEES

Jung-A-Badr Ki Hadees May Hazrat Anas Radi-Allahu-Ta'aala-Anhu Se Marwi Hain Ki Huzoor SALLALLAHU- TA'AALA-ALAIHI-WASALLAM Ne Maidan- A-Jung May Jung Se Pehle Zamin Per Apna Hath Rakhker Farmaya, Ki Yeh Fala Kaafir Ke Marne Ki Jagah Hain Aur Yeh Fala Ke! Raawi Kehte Hain Ki Jisko Rasoolallah SALLALLAHU-TA'AALA- ALAIHI-WASALLAMNe Jahan Hath Rakhker Farmaya Tha Wahin Per Wo Maara Gaya! ALLAH Ne Apne Rasool Ko Kis-Qadr Ilm Ata Farmaya HainKi Abhi Jung Nahi Hui Hain Aur Aapne Ek-Ek Kaafir Ke Maare Jane Ki Jagah Ki Nishaan- DehiFarma Di! Goya Aap Yeh Bhi Jaante The Ki Kaun-Kaun Maara Jayega Aur Yeh Bhi Jaante The Ki Kahan Maara Jayega! (Sahi-Muslim Jild-2,Pg-102) (Nasayi Pg-226)
•» Ibleez Ka Jung-e-badr Se Bhagna «•
Mujahideen Islam Gazwa Badr Me Waqu Pazeer Hone Wale Chasm Deed Halat Bayan Karte Hai Ke – Basa Awqaat Hum Kisi Kafir Per Hamla Karne Ke Liye Aage Badhte To Hum Dekhte Ke Hamari Talwarao Ke Pahunchne Se Pehle Is Ke Sar Kat Kar Door Ja Girta. Ibleez, Jo Saraqe Bin Malik (Kuffar-e-makkah) Ki Shakal Me Apne Gundao Ki Madad Ke Liye Masroof Paykar Tha –Is Ki Nazar Jab Malaek Ke Dastao Per Padi To Cheeq Utha. Is Ke Awsaan Khada Ho Gaye Wahaan Se Bhagne Me Is Ne Apni Aafiyat Samjhi. Jab Wo Apni Jaan Bacha Kar Bhaag Raha Tha Wo Kehta Ja Raha Tha. “May Wo Dekh Raha Hoon Jo Tum Nahi Dekh Rahe –May Allah Tala Se Darta Hoon – AurAllah Tala Ke Azaab Shadeed Se. (48–8) (Seerat Ibne Kaseer Jild 2, Safha 433, Seerat Al’rasool Zia’anNabi Sallallahu Alaihi Wa Sallam, Jild 3,safa 347

✦ Nabi Kareem Sallallahu Alaihi Wasallam ♥ ki Nazar mein “Maa” “Baap” ka Moqam ✦

RasoolAllah Sallallahu Alaihi Wasallam ne Irshad Farmaya: "Apni Maa ki khidmat ko lazim pakdo, kyun ke Maa ke Qadmon tale Jannat hai."

[Urdu Ref :: Sunan an-Nasai :: Vol.2 :: Hadith 1016] 

RasoolAllah Sallallahu Alaihi Wasallam ne Irshad Farmaya: "Baap Jannat ke (darwazo mein se behtareen) darmiyani Darwazah hai, Ab tumhen Ekhtiyar hai Khuwah (Na’farmani aur Dil dukha kar) us darwaze ko Zaye kardo ya (Farmanbardari aur khidmat kar ke) us Darwazeh ki hifazat karo."

[Urdu Ref :: Sunan Ibn Majah :: Vol.3 :: Hadith 544]

●═════════════════◄►═════════════════●

♥ Sahaba-e-Kiram Hazrat Abu Bakr Siddeeq (Radiallahu Anhu) Ki Zindagi Aur Martaba ♥

» Laqab: Siddeeqe Akbar, Gaare Yaare Nabi, Afzalun Naas Ba’adal Ambiya, Saani Isnain, Khalifatul-Rasool, Ateeq.
» Wiladat: Aap Ki Wiladat Mubarak 573 A.D. Me Makka Me Hui. Aap Ke Waalid Ka Naam Hazrat Usman Abu Quhafa Ibn Amir Aur Waalida Ka Naam Salma Bint Sakhar (Ummul Khair) Hai. Aap Quraish Ke Banu TaymKabeele Se Ta’aaluq Rakhte Hain. Aap Ka Asl Naam Abdullah Hai.
» Deen Ki Daawat:
Aap Ki Daawat Aur Mashware Se Bahut Saare Log Islam Me Dakhil Hue,Jin Me Hazrat Usman Ibn Affan, Zubair Ibn Awwam, Talha Ibn Ubaidullah, Abdur Rehman Bin Awf, Sa’ad Ibn Abi Waqqas, Abu Ubaidah Ibn Jarrah, Abdullah Bin Abdul Asad (Abu Salama), Khalid Ibn Sa’id Aur Abu Huzifah Ibn Mughirah RadiallahuTa’ala Anhuma Mashhoor Hain. Aap Ne 8 Gulamo Ko Aazad Karaya Jo Musalman Ho Gaye The. Jin Me Mardo Me Hazrate Bilal Habashi Ibn Ribah, Abu Fakih, Ammar Ibn Yasir Aur Abu Fuhaira Aur Aurto Me Lubainah, Nahdiah, Umm Ubais, Harisah Bint Muammil Saamil Hain. Is Ke Liye Aap Ne 40,000 Dinar Kharch Kiye. Aap Ke Waalid Ne Kaha ‘Tum Budhe Aur Kamzor Gulamo Ko Aazad Karate Ho Jis Se Hame Koi Faida Nahi Hoga.’ AapNe Farmaya ‘Main Toh Allah Ki Raza Ke Liye Musalmano Ko Aazad Karata Hu.’
» Siddeeqe Akbar Ka Laqab:
12 Nabawi (621 A.D.) Me Me’araj Ke Baad Huzoor (Sallallahu Alaihi Wasallam) Ashaba Ko Me’araj Ki Baaten Bayan Kar Rahe The. Hazrate Abu Baqr (Radiallahu Anhu) Thoda Der Se Aaye. Aap Aakar Huzoor (Sallallahu Alaihi Wasallam) Ke QareebJaakar Bethe. Huzoor (Sallallahu AlaihiWasallam) Ne Phir Se Shuru Se Pura Bayan Shuru Kiya. Aur Hazrate Abu Baqr (Radiallahu Anhu) Har Baat Par Farmate ‘Sadaqata Ya Rasool Allah (Sallallahu Alaihi Wasallam).’
Huzoor (Sallallahu Alaihi Wasallam) NeKhush Hokar Aap Ko ‘Siddeeqe Akbar’Ka Laqab Ata Farmaya Ya’ni Tamam Siddeeq Me Sab Se Bada.
» Aap Ke Baare Me Huzoor Ka Farman:
Aap Ke Baare Me Pyare Aaqa (Sallallahu Alaihi Wasallam) Farmate Hain Ke,
(1) Abu Bakr ‘Afzalul Bashar Ba’adal Ambiya’ Hain Ya’ni ‘Ambiya Ke Baad Tamaam Insaan Me Sab Se Afzal.’
(2) Agar Abu Bakr Ka Imaan Meri Tamam Ummat Ke Imaan Ke Saath Wazan Me Kiya Jaaye Toh Abu Bakr Ka Imaan Gaalib Aaye.
(3) Hazrate Abu Bakr Ka Ye Martaba Sirf Uski Ibadaat Ki Wajah Se Nahi Hai, Balke Allah Ta’ala Ne Uske Dil Me Jo Khas Rakha Hai Uski Wajah Se Hai.
(4) Abu Bakr Ke Mujh Par Bahut Ehsaan Hain. Uss Ne Islam Ke Liye Apni Jaan Aur Maal Bhi Qurban Kiye Hain Aur Apni Beti Mere Nikaah Me DiHai Aur Abu Bakr Ne Hazrat Bilal Habsi Ko Aazad Karaya Hai.’
» Aap Ashra-E-Mubashara Me Se Hain.:
(1) Ek Baar Huzoor (Sallallahu Alaihi Wasallam) Ne Aap Se Farmaya ‘Abu Baqr, Jannat Me Dakhil Hone Walo Me Tum Sab Se Pehle Rahoge.’
(2) Ek Baar Huzoor (Sallallahu Alaihi Wasallam) Ne Farmaya ‘Jab Allah Ta’ala Kisi Mo’min Ke Liye Bhalai Ka Irada Karta Hai To Uss Me Koi Khaslat Paida Farmata Hai Jis Ke Sabab Wo Jannati Ban Jaata Hai Aur Aisi 360 Khaslate Hain.’ Hazrate Abu Baqr Ne Puchha ‘Ya Rasool Allah (Sallallahu Alaihi Wasallam), Kya Mujh Me Aisi KoiKhaslat Hai?’ Huzoor (Sallallahu Alaihi Wasallam) Ne Farmaya, ‘Abu Baqr, Tumhe Mubarak Ho Ke Tum Me Wo Tamam Khaslat Maujood Hai.’

HAZRAT KHWAZA GARIB NAWAZ [REHMATULLAH ALAIH]

Alqab: Sultan-Ul-Hind
Wiladat: Hazrat Khwaja Gareeb Nawaz Sanjari (Rahmatullah Alayh) Ki Wiladat Ba-Sa’adat 14 Rajab 537 Hijri Me Peer Ke Din Subah Sadiq Ke Waqt Khurasan Ke Kasba Sanjar (Iran) Me Hui,
Aap Ke Walid Ka Naam Hazrat Khawaja Gayas-Ud-Deen Hasan Sanjari (Rahmatullah Alayh) Hai Jo 8thPust Me Hazrat Musa Kazim Sanjari (Radhiallahu Ta’ala Anhu) Ke Pote Hai Aur Aapki Walida Ka Naam Hazrat Bibi Ummul Warah Urf Bibi Maahe Noor Sanjari (Radhiallahu Ta’ala Anhu) Hai Jo Chand (Kuchh) Wasto SeHazrat Imaam Hasan Sanjari (Radhiallahu Ta’ala Anhu) Ki Poti Hai, Aapka Nasab Mubarak Hasani Wa Husaini Hai.
Hazrat Khawaja Gareeb Nawaz Sanjari (Radhiallahu Ta’ala Anhu) Bargah-e-Risalat (Sallallahu Alaihi Wa Sallam) Se Hukm Pa Kar 586 Hijri Me Ajmer Shareef (India) Tashreef Laye.
Aap Ne Apni 97 Saal Ki Umar Me Hindustan (India) Me… Kam Az Kam 95 Laakh Logo Ko Kalma Pada Kar Musalman Kiya, Aap Ne 6th Rajab 633Hijri Ko Amjer Shareef Me Iss Faani Duniya Se Parda Farmaya, Aapki Wafa’at Par 90 Hazaar Log Shareek Hue, Aapka Roza-e-Paak Ajmer Shareef, Rajhastan, Hindustan Me Hai.
Walid Sahab Ki Jaanib Se Silsila-e-Nasab: Hazrat Khwaja Gareeb Nawaz Sanjari (Radhiallahu Ta’ala Anhu) S/O Hazrat Gayasuddeen Sanjari (Radhiallahu Ta’ala Anhu) S/O Hazrat Najmuddeen Tahir Sanjari (Radhiallahu Ta’ala Anhu) S/O Hazrat Syed Ibraheem (Sanjari (Radhiallahu Ta’ala Anhu) S/O Hazrat Syed Idrees Sanjari (Radhiallahu Ta’ala Anhu) S/O Hazrat Imaam Musa Kazim Sanjari (Radhiallahu Ta’ala Anhu) S/O Hazrat Jafar Sadiq Sanjari (Radhiallahu Ta’alaAnhu) S/O Hazrat Muhammad Baqar Sanjari (Radhiallahu Ta’ala Anhu) S/O Hazrat Zainul Aabedeen Sanjari (Radhiallahu Ta’ala Anhu) S/O Hazrat Sayyidna Imaam Husain Sanjari (Radhiallahu Ta’ala Anhu) S/O Hazrat Ameerul Momineen Hazart Ali Sanjari (Radhiallahu Ta’ala Anhu)
Walida Majeeda Ki Janib Se Silsila-E-Nasab: Hazrat Khwaja Gareeb Nawaz Sanjari (Radhiallahu Ta’ala Anhu) S/O Bibi Ummul Wara Sanjari (Radhiallahu Ta’ala Anha) D/O Hazrat Syed Daud (Radhiallahu Ta’ala Anha) S/O Hazrat Abdullah Hambli (Radhiallahu Ta’ala Anhu) S/O Hazrat Zahid (Radhiallahu Ta’ala Anhu) S/O Hazrat Muhammad Mauris (Radhiallahu Ta’ala Anhu) S/O Hazrat Daood (Radhiallahu Ta’ala Anhu) S/O Hazrat Musa (Radhiallahu Ta’ala Anhu) S/O Hazrat Syed Abdullah Makhfi (Radhiallahu Ta’ala Anhu) S/O Hazrat Hasan Masna (Radhiallahu Ta’ala Anhu) S/O Hazrat Syedna Imaam Hasan (Radhiallahu Ta’ala Anhu) S/O Hazrat Ameerul Momeineen Hazrat Ali (Radhiallahu Ta’ala Anhu)
Note: Likhne Me Koi Khata Hui Ho Toh Hame Zarur Ittela Kare… !!!! Dua Ki Darkhwast !!!!

WASEELE SE MANGNA SHIRK KEHNE WALON ZARA GAUR SE PADO

HADEES# : Yahya Bin Yahya par tehqiq se Imam Ibn Hajar aur Imam Hakim ka Aqeeda hai ki Awliya ki Qabro par jaakar Waseela lena jaez hai:
Ibn Hajar likhte hain ki Imam Hakim ne kahai ki maine Abu Ali Nishapori se suna tha ki ek bar wo bahot zyada sadme me the, tab unhone Nabi sal-lal-laahu Ta'ala Alayhi wasallam ka khwab me deedar kiya,
aur Nabi Sal-lal-laahu Ta'ala Alayhi Wasallam ne hukm farmaya ki Yahya Bin Yahya ki Qabr ke paas jaao, aur istighfar karo aur unke Waseele se madad mango,
Abu Ali Nishapori farmate hain ki maine aisa kiya to meri pareshani door ho gayi.
[Ibn Hajr, Tahdhib ut-Tahdhib Volume 004, Page 398]

HADEES-E-NABWI

Uqba Bin Aamir (Radi Allahu Anhu) Se Rivayat Hai Ki Ek Roz Rasool Allah (Sallallahu Alaihi Wasallam) Nikle Aur Uhad Ke Shaheedon Par Namaz Parhi Jaise Janaze Ki Namaz Parhte Hain Phir Minbar Ki Taraf Aaye Aur Farmaya, “Main Tumhara Paish Khaima Hunga Aur Gawah Hunga Aur Qasam Allah Ki Mai Hauz Ko Iss Waqt Dekh Raha Hoon Aur Mujhko Zameen Ke Khazano Ki Kunjiya Ata Ki Gayee Hain, Yaa Zameen Ki Kunjiya Aur Qasam Allah Ki Mujhe Ye Darr Nahi Ki Tum Mere Baad Shirk Karoge Balki Ye Darr Hai Ki Tum Duniya Ki Lalach Me Aakar Ek Dusre Se Hasad Karne Lagoge”.(Sahih Muslim Book 030, Hadith Number 5688.).

Allah ke Nabi Ne Qabro Ko Sajda Karne Se Mana Farmaya Hai

HAZRAT JUNDUB (RAZIYALLAAHU ANHU) FARMAATE HAIN K MAI NE RASOOL ULLAAH S.A.W.S KO APNI WAFAAT SE 5 DIN PAHLE YE KAHTE HUWE SUNA : KHABAR DAAR !!!!! TUM SE PAHLE K LOG APNE NABYON AOR WALIYON KI QABRON KO SAJDAH KARNE KI JAGAH BANAA LIYA KARTE THE….KHABAR DAAR !!!!!TUM KISI KI BHI QABAR KO SAJDA MAT KARNA MAI TUM KO IS CHEEZ SE ROKTA HUN 

IMAAM AHMADRAZA [RAHMATULLAH ALAIH]

AlaHazrat Imam Ahmad Raza Ki Wiladat 10 Shawwal 1272 Hijri (1856) Ko Bareli Sharif UP Me Hui


AlaHazrat Imam Ahmad Raza Ki Wiladat 10 Shawwal 1272 Hijri (1856) Ko Bareli Sharif UP Me Hui.
4 Sal Ki Umar Me Quran e Pak Nazra Khatm Kiya.
Apne Walid Mufti Naqi Ali Khan Se Talim Hasil Ki.
6 Sal Ki Umr Me Meelad-E-Rasool Ke Unwan Par Shandar Taqrir Farmai.
8 Sal Ki Umr Me Arbi Zaban Me 1 Kitab Likh Kar Sab Ko Hairan Kar Dia.
13 Sal 10 Mah Ki Umr Me Pahela Fatwa Likha.
55 se Ziada Uloom Par Taqriban 1000 Kitabe Likhi.
Quran E Pak Ka Urdu Zaban Me Bahetrin Tarjuma KANZUL IMAN Qaum Ko Ata Kia.
12 Jildon Par Mushtamil Fatawa Razviya Likh Kar Fiqh E Hanfi Ki Zabardast Khidmat Anjam Di.
Sari Zindagi Deen Ki Khidmat Aur ishqe Mustafa Ki Daulat Taqsim Karne Me Lage Rahe.
Duniya Ke Bade Bade Ulma Aur Fuqha Ne Aap Ko Mujaddid Tasleem Kia.
Aap Ke Natiya Kalam Ki Sari Duniya Me Dhoom Hai.
Kai University Me Aap Par Research Ho Rahi Hai.
Aap Ka Wisal 25 Safar (1921) Ko Azane Juma Ke Dauran Hua.